PRO6 Director Sidney Villaflor gindayaw ang kapulisan sa madasig nga pagsolbar sa pagpatay kay Alejandro Panes, Jr.

Villaflor ang tanan operating units sa madasig nga pagsolbar sa pagtiro patay kay Alejandro Panes Jr. sa North Fundiro, Molo kahapon sang kaagahon.

Suno kay Villaflor, tungod sang madinalag-on nga operasyon, napakita sang kapulisan ang sinseridad sa pagserbisyo sa pagsolbar sang krimen.

Kaina sang kaagahon, pito ka indibidwal ang gindakup sang kapulisan sa ila follow up operation may kaangtanan sa kamatayon ni Panes sa diin nakuha ang P578,000 nga balor sang suspected illegal drugs.

Samtang kaina sang hapon, nadakpan naman si Rex Amoroso nga ginatudlo gunman sa pagpatay sa biktima kag nakuhaan sang tatlo ka sachet sang suspected shabu kag granada.

Ginahaylo ni Villaflor ang pumuluyo nga buligan ang kapulisan agud masolusyunan ang kriminalidad kag illegal nga druga sa Western Visayas.