Iloilo Gov. Arthur Defensor, Jr. matambong sa SONA ni Pres. Marcos sa Hulyo 24

ILOILO —Matambong si Iloilo Governor Arthur Defensor, Jr. sa State of the Nation Address (SONA) ni President Ferdinand Marcos, Jr. sa Batasang Pambansa Complex, Quezon City sa Hulyo 24.

Ginpabutyag ni Defensor nga suportado niya ang administrasyon ni Marcos ilabe na nga nalakip ang Iloilo-Capiz-Aklan expressway sa mga priority projects sang presidente.

Magluwas sa expressway, nalakip man sa listahan sang priority projects sang administrasyon ni Marcos ang Panay Railway, extension sang Iloilo International Airport kag Panay-Guimaras-Negros Bridge.

Nagalaum ang gobernador nga madamo pa nga infrastructure projects ang ipahamtang sa Iloilo Province.

Pero ginpahayag sang gobernador nga indi pa siya makahatag sang rating sa performance Marcos.