Pangayaw dakup sa drug buy bust operation sa Estancia

ILOILO — Na-aresto sang Estancia police sa drug buy bust operation si Marvin Bravo, 42-anyos, tumandok sang Barangay Uno Handumanan, Bacolod City kag temporaryo nga naga-estar sa Clement Street, Poblacion Zone 2, Estancia kahapon sang aga, Hulyo 14.

Suno kay Police Lieutenant Renzo Martinez, OIC sang Estancia Municipal Police Station, na-recover sa subject ang walo ka plastic sachets sang suspected shabu lakip na ang buy bust item. Ginabanta nagabalor sang P102,000 ang balor sang na-recover nga illegal drugs.

Na-monitor sang Estancia police ang illegal drug activity sang subject sa nasambit nga lugar rason nga gin-validate antes ginhimo ang operasyon.

Ginpanginwala naman ni Bravo nga nagabaligya siya sang illegal drugs. —via Aksyon Radyo Iloilo correspondent Jerry Medina