6 ka IP couples sa Tigbauan ginkasal

ILOILO – Wala nakaupang ang malain nga panahon sa pagbayluhanay sang “I Do” sang anum ka magkahagugma nga Indigenous Peoples (IP) sa Tigbauan.

Subong nga adlaw, ginhiwat ang kasal sang anum ka couples sa St. John of Sahagun Parish sa Tigbauan, Iloilo nga ginpangunahan ni Fr. Arvin Largado nga parochial vicar, kaupod ang mga sponsors. Suno kay Fr. Largado, luyag nila ipahibalo kag ipakita sa publiko nga wala sang diskriminasyon sa kasal.

Tuman naman ang kalipay sang mga IPs tungod kalabanan sa ila komunidad ang wala pa makasal.

Una na nga nag-viral sa social media ang photoshoot sang IP couples nga nag-ani sang positibo nga mensahe. – with additional information from Radyo Pilipinas Iloilo.