7 ka crew members sang fishing boat nga nagkapan sa tunga-tunga sang baybayon sang Masbate kag Carles Iloilo na-rescue sang PCG
Naluwas sang mga katapo sang Philippine Coast Guard Sub-station Estancia kag Carles ang pito ka crew members sang fishing boat nga nagkapan sa baybayon sa tunga-tunga sang Jintutulo Island, Masbate kag Gigantes Island, Carles, Iloilo.
Ginkilala ang mga survivors kanday:
2. Lito Candelario sang Roxas City, Capiz
3. Robert Rodrigo sang Roxas City, Capiz
4. Romark Acedre sang Estancia
5. John Borja sang Estancia
6. Niño Solitario sang Carles
7. Michael Retirado sang Estancia
Suno sa Coast Guard, nakabaton sila sang report halin kay Roldan Maghanoy, tag-iya sang fishing boat nga FBCA Raj Warrior, nga nagkapan ang iya fishing boat sakay ang pito ka crew members.
Sa panaysayon naman ni Jomar Asuelo nga kapitan sang fishing boat, nagpalawod sila agud magpangisda sang Domingo, Hulyo 23, apang tungod sa Bagyo Egay, nag-desisyon sila nga magpanago sa Jintutulo Island sang lima ka adlaw. Sang nag-ayo ang tiempo, nagbiyahe sila pabalik sa Iloilo apang naabutan sang mabaskog nga hangin kag dalagku nga balod rason nga na-damage ang fishing boat kag nagkapan.
Nakapauli na sa ila tagsa ka lugar ang mga crew sang sakayan. – Via Philippine Coast Guard
