Pulis

P3.8 million nga balor sang illegal drugs nakumpiskar sa HVI drug personalities sa drug buy bust operation sa Jaro

ILOILO CITY — Dakup sa drug buy bust operation ang duha ka high value individual (HVI) drug personalities kag nakuhaan sang indi magnubo sa 570 grams sang suspected shabu nga may standard drug price nga P3.8 million sa Luna, Jaro kahapon sang kaagahon, Agosto 1.

Gin-identify sang mga operatiba ang mga nadakpan kanday Rene Paches, 41 anyos sang Brgy. Man-it, Passi City, kag Jean Narciso, 29 anyos sang Dumarao, Capiz//

Nabaklan kanday Paches kag Narciso sang duha ka sachets sang suspected shabu sa balor nga 35 thousand pesos.  May na-recover pa gid nga 16 ka sachets sang suspected shabu.

Suno kay Police Captain Glenn Soliman, head sang Regional Police Drug Enforcement Unit ukon RPDEU, ginkabig nga “bodegero” sang illegal drugs ang mga nadakpan kag sa Panay ang source sang ila supply.

Nagbalibad na si Soliman nga isugid kun diin nga lugar sa Panay nagakuha sang supply ang mga subjects, pero ginatago nila ini sa Passi City kag gina-distribute ini sa nagkalain-lain nga lugar ilabe na sa Iloilo city, Iloilo province kag Capiz.          

Malapit apat ka bulan nga gin-monitor sang mga operatiba sanday Paches kag Narciso antes ginhimo ang operasyon suno pa kay Soliman.

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply