Laborer patay sang ginlabu sang iya abyan sa Tubungan

ILOILO — Pilas sa dughan kag iban pa nga parte sang iya nga lawas tuga sang pagkalabo ang gintunaan sang kamatayon sang 29-anyos nga laborer sa Brgy. Lanag Norte, Tubungan kahapon sang kaagahon, Agosto 2.

Ginkilala ang biktima kay Patrick Casquite samtang suspect si Goerge Tacan lunsay mga residente man sang nasambit nga barangay.

Suno kay Capt. Rodel Ojano, acting chief-of-police sang Tubungan Police Station, antes ang insidente nag-inum-inom pa ang duha sa balay sang biktima. May ginba-isan ang duha tubtob nagkuha sang ginunting si Tacan sa ila balay kag ginlabo si Casquite.

Gindala pa sa Tubungan Rural Health Unit ang biktima apang gindeklarar nga napatay.

Gina-imbestigaran pa sang police ang ginba-isan sang duha.

Nag-surrender naman sa Tubungan Police Station si Tacan, las-5 kaina sang kaagahon.

Natalana nga pasakaan sang kaso nga murder ang suspect.