Ilongga singer hakot awards sa WCOPA 2023 sa Anaheim, California
Ginhakot sang Ilongga nga si Beverly Saraza ang gold kag silver medal sa World Championships of Performing Arts (WCOPA) 2023 nga ginhiwat sa Anaheim, California, USA.
Si Saraza sang Molo, Iloilo City nagdaug sang gold medals sa Vocal Pop, Vocal Rap, Vocal Rock , kag Vocal World; silver medals sa Vocal Broadway kag Vocal Gospel; nakuha man niya ang gold plaque sa Champion of the World Division Winner (Vocal Rap) , kag ang semi finalist medal.
Sa Facebook post sang Ilongga, iya ginpabutyag, “Oh God Almighty! I still can’t believe how i was able to get these Awards. Thank you so much from the bottom of my heart.”
Wala ginlauman ni Saraza nga makakuha sang madamo nga award tungod sa pagpati niya, tubtob lang sa silver medal sa broadway ang iya mabaton.
Ginpasalamatan niya ang tanan nga nagbulig kag nagsuporta sa iya tubtob malab-ut ang iya nga handum nga makapasakop sa WCOPA.
Ang WCOPA ginabansagan nga “Talent Olympics” sa diin naga-compete ang mga may talento sa pagkanta, pagsaot, drama, modeling, variety acts kag iban pa sa bug-os nga pungsod.
