Tag-iya sang videokehan sa New Lucena nadakpan sa drug buy bust operation

ILOILO — Nadakpan sang Station Drug Enforcement Team sang New lucena Police Station si Rudolf Vincent Dorimon, tag-iya sang videokehan sa Poblacion, New Lucena sa drug buy bust operation kagab-i.

Suno kay Police Captain Regie Panila, hepe sang New Lucena Police Station, nabaklan ang subject sang isa ka sachet sang suspected shabu sa balor nga P8,000.

Na-recover sa iya ang 15 ka sachet sang suspected shabu lakip na ang buy bust item nga nagabalor sang P136,000.

Isa man ka bulan nga gin-monitor ang subject antes ang madinalag-on nga drug buy bust operation.