P310,000 ginpa-in nga budget sang City Engineer’s Office sa pagbutang sang bollards sa bike lane sa Diversion Road

ILOILO CITY – Nagpa-in ang City Engineer’s Office sang P310,000 nga pondo para sa pagbutang sang bollards sa bike lane sa Diversion Road.

Suno kay Mr. Joel Gerasmia, target sang CEO nga mabutangan sang bollards ang bike lane halin sa Esplanade 1 pakadto sa Sambag, Jaro. “Pero ang maiguan lang anay sang aton nga budget, amo lang na anay [ang unahon.”

Stainless steel bollards ang ibutang agud nga indi dali-dali nga matuktukan.

Gin-athag man ni Gerasmia nga indi pagbutangan sang bollards ang entrance sang mga establisemento.

Una na ginpabutyag ni Gerasmia nga ginsuhestiyon ni Iloilo City Mayor Jerry Treñas ang pagbutang sang bollards bilang solusyon para indi makasulod ang mga salakyan kag maka-park sa bike lane.

Ang bollard amo ang manubo nga post nga ginabutang bilang protective ukon architectural perimeter. –via Marvin Malificiar