“Very ready gid ang aton mga schools” — DepEd 6 spox sa pagbukas sang klase sa Agosto 29
ILOILO CITY–100% ready na ang mga pribado kag pampubliko nga basic education institutions sa Western Visayas sa pagbukas sang klase sa Martes, Agosto 29.
Ini suno kay Mr. Hernani Escullar, spokesperson sang Department of Education (DepEd) 6.
Nangin madinalag-on ang preparasyon sang mga eskwelahan sa Balik Eskwela Program sang DepEd, suno kay Escullar, paagi sa ginhiwat nga pagpanglimpyo sa Brigade Eskwela.
“Very ready gid ang aton sini mga schools. Handa na gid ini sila [sa opening of classes sa Agosto 29]. Sang tinalikdan sini nga semana, naghiwat kita [DepEd] sang Balik Eskwela kun diin ang aton schools gin-ready na. Meaning, gintudluan, gin-maintain, ang tanan nga dapat himuson sa school, ginhimos,” suno kay Escullar.
Handa man ang mga manunudlo para sa bag-o nga school year tungod sa gin-conduct nga mga trainings antes magbukas ang klase.
Nagpaguwa sang memorandum ang DepEd 6 sa mga Schools Division Offices sa rehiyon nga nagapahanumdom sa school heads nga i-reinforce ang Child’s Protection Policy sang ahensya.
Ginhingyo ang mga eskwelahan, paagi sa nasambit nga memo, nga siguraduhon nga limpyo ang ginabaligya nga pagkaon kag ilimnon sa mga school canteens.
Nabutang man sa amo nga memo nga pag-emphasize sa DepEd Order No. 21 series of 2023 nga ginpapanaug ni DepEd Sec. Sara Duterte, nga nagamandu sa pampubliko nga mga eskwelahan nga pangkakason ang “unnecessary artwork, decorations, tarpaulin and posters,” sa mga dingding sa sulod sang classrooms, suno kay Escullar.
