COC filing, Gun ban para sa 2023 BSKE nagsugod subong nga adlaw
MANILA – Nagsugod subong nga adlaw ang filing sang Certificate of Candidacy (COC) para sa mga mapadalagan sa 2023 Barangay kag Sangguniang Kabataan Elections.
Suno sa Commission on Elections (Comelec), puwede makakuha sang COC forms sa ila official website ang mga mapadalagan nga barangay captain, barangay kagawad, SK chairman kag SK member.
Matakop naman sa Setyembre 2 ang filing sang COC.
Ginpahanumdom sang Comelec nga wala pa ginapasugtan ang pagpangampanya bisan naka-file na sang COC tungod sa Oktubre 19 pa masugod ang campaign period nga matakop sa Oktubre 28.
Sang damlag lang nagpaandam si Comelec Chairman George Garcia sa mga kandidato nga magapangatubang sila sang kaso kun mapamatud-an nga nagahimo sang premature campaigning. Ipatuman sang Comelec kaupod ang Philippine National Police ang istrikto nga aksyon batok sa early campaigning.
Hiwaton naman sa Oktubre 30 ang elections.
