MDRRMO LEON NAGPATUMAN SANG FORCED EVACUATION SA MGA RESIDENTE NGA MALAPIT SA KILID SANG SUBA, LANDSLIDE-PRONE AREAS

ILOILO – Ginpanugyanan ni Municipal Disaster Risk Reduction and Management Office (MDRRMO) Leon Head Feljean Cagape ang mga residente sa kilid ukon malapit sa suba kag mga landslide-prone areas nga mag-evacuate sa mas luwas nga lugar.

Ginkumpirmar ni Cagape nga may ginahimo subong nga forced evacuation sa walo ka pamilya sa Sitio San Julian, Barangay Omambong tungod sa pagkatiphag sang kilid sang suba.

Siyam ka households ang gin-evacuate sa Sitio Sibukaw, Barangay Bucari, tatlo sa Proper kag duha sa Barangay Talacuan.

Nakahatag naman suno kay Cagape sang “immediate relief food packs” sa mga apektado nga pamilya sa Omambong kag Talacuan.

Gin-athag naman ni Cagape nga maagyan na ang tanan nga karsada sa Leon. “Based sa situation report, tanan nga alagyan sa Leon passable na kay nagpa-deploy dayon si mayor sang clearing team especially nga mga produkto kita sa nabukid nga ginadulhog sa banwa.” —via Aksyon Hotline