STATE OF CALAMITY GINDEKLARAR SA BILOG NGA OTON TUNGOD SA PAGBAHA NGA EPEKTO SANG HABAGAT

ILOILO – Ginkumpirmar ni Oton Vice Mayor Jose Neil Olivares nga nagpasar ang Sangguniang Bayan sang resolution sa special session kahapon nga nagapaidalum sa bilog nga banwa sa state of calamity.

Tungod ini sa pagbaha nga resulta sang habagat nga ginpabaskog sang Bagyo Goring sang Lunes, Agosto 28.

Sa data sang Oton LGU, 23 sa 37 ka barangay ang direkta nga na-apektuhan sang pagbaha.

850 ka pamilya ukon masobra walo ka libo ka indibidwal ang nag-evacuate, suno sa bise alkalde.

Samtang na-record ang P8.3 million nga kahalitan sa humayan. Wala pa diri nalakip ang damage sa iban nga high-valued crops, babuyan kag livestock and poultry.

Gilayon nga naghatag sang relief assistance ang LGU, suno kay Olivares.