Dinagyang Festival 2024 ginapreparahan na
ILOILO CITY – Nag-meeting ang Iloilo Festivals Foundation Inc. kag Ilonggo Artists Festivals Association agud maistoryahan ang preparasyon para sa Dinagyang Festival 2024 sa Enero.
Una na nga ginpahayag ni IFFI Executive Director Joyce Clavecillas nga hiwaton ang highlight sang Dinagyang Festival sa Enero 26 tubtob 28.
Ginakunsiderar nga ibalik ang Tambor, Trumpa, Martsa, Musika nga ginapasakupan sang Drum and Lyre Corps sang nagkalain-lain nga eskuwelahan sa siyudad kag probinsiya sang Iloilo. Gindula subong nga tuig ang nasambit nga kumpetisyon.
Ginpasalig ni Clavecillas nga madamo sang dapat nga bantayan sa masunod nga tuig nga Dinagyang.
