Ginakabig nga downline sang Abantao Drug Group nadakpan sa buy bust operation sa Pavia

ILOILO — Dakup sa drug buy bust operation ang ginakabig high value individual kag Top priority list sang Iloilo Provincial Police Office sa Purok 4, Pavia kagab-i, Sept. 4.

Ginkilala ang subject kay Jennywel Tanaman, alyas Mamerto Olarte, 38- anyos residente sang amo man nga lugar.

Suno kay Police Major Dadje Delima, hepe sang Pavia Municipal Police Station, downline ni Jovan Abantao sang Abantao Drug Group ang subject.

Nabaklan ang subject sang isa ka sachet sang suspected shabu sa balor nga P2,000.

Na-recover pa gid ang walo ka sachets sang suspected shabu nga nagabug-at sang 20 grams kag may standard drug price nga P136,000.

Detained na sa Pavia police station ang nadakpan kag natalana nga ipaidalum sa drug testing.