Driver sang motorsiklo patay sang nakabunggo sa bus sa Zarraga

ILOILO — Patay ang driver sang motorsiklo sang nakabunggo sa Ceres bus sa Brgy. Sambag, Zarraga las-7:30 kagab-i, Sept. 6.

Suno kay Police Captain Raphy Señerez, hepe sang Zarraga Municipal Police Station, padulong kuntani sa Pototan ang driver sang motorsiklo samtang halin sa Northern Iloilo ang bus kag padulong kuntani sa Iloilo City.

Ginpabutyag sang driver sang bus suno sa police nga naglapaw sa linya ang motorsiklo rason nga nakabunggo.

Ginhingagaw pa dala sa ospital ang driver sang motosiklo pero wala natabangan tungod sang pilas sa ulo.

Gin-detain sa Zarraga Police Station ang driver sang bus kag nagsaylo naman ang mga pasahero sa lain nga unit.