Masobra P1 million nga balor sang suspected shabu na-recover sa drug buy bust operation sa Desamparados, Jaro

ILOILO CITY— Na-recover ang P1,020,000 nga balor sang suspected shabu sa drug buy bust operation sa Desamparados, Jaro kahapon, Setyembre 18.

Suno kay Police Captain Roque Gemino III sang City Drug Enforcement Unit (CDEU) subject sang operasyon si Bobo Pedrajas, 30-anyos nga High Value Individual kg residente sang amo man nga barangay.

Sang nag-operate ang kapulisan, nadakpan ang subject sa balay nga ginapag-iyahan sang mag-amay nga Kim kag Rodson Obapial Jr. Nadakpan man kanday Rolando Obapial; Julius Pedrajas; Carlo Emano; Fred Banesio; Romeo Parreño; kag Joery Miranda nga naga-pot session

Nabaklan ang subject sang duha ka sachet sang suspected shabu sa balor nga P12,000.

Na-recover pa gid ang 16 ka magagmay nga sachet sang suspected shabu kag duha ka dalagko nga sachets, pouch, weighing scale, plastic box, folded tissue paper, empty plastic wrapper, improvised glass water pipe, lighters, aluminum foil kag iban pa nga mga gamit sa illegal nga transaksyon.

Sa pagpangusisa sang police sa subject, sa Bakhaw, Mandurriao siya nagakuha sang supply sang illegal drugs.