Pag-demolish sang tatlo ka salog nga natungtong sa haligi 4,5,6 sang Ungka flyover gastuhan sang contractor — DPWH 6

ILOILO CITY – Abagahon sang contractor ang International Builders Corporation (IBC) ang kagastuhanan sa pag-demolish sa tatlo ka spans nga sang kontrobersiyal nga Ungka Flyover. Ini ang ginkumpirmar ni Department of Public Works and Highways (DPWH) 6 Officer-In-Charge, Engr. Sanny Boy Oropel. Ginplastar ni Oropel sa IBC nga indi perpekto ang kada contractor sa mga proyekto rason nga kun may depekto dapat nila nga kay-uhon. Ginkompormehan man suno sa iya sang IBC ang ginpresentar niya. Gastuhan man sang contractor ang pagbalik sang salog sang flyover kun matapos na ang pamaagi sa pagkay-o sang imprastruktura. Una na nga ginkumpirmar ni Oropel nga base sa rekomendasyon sang Abinales Associates Engineers + Consultants, ang third party consulting firm nga nag-imbestigar sa flyover nga i-demolish ang salog sang flyover nga nagakonekta sa ika-apat; ikalima kag ika-anum nga haligi. Wala pa sang pat-od nga sabat si Oropel kun san-o suguran ang pag-demolish sa porsyon sang flyover kag nakadepende sa ipaguwa nga pondo. “Ang demolition sang aton [porsyon sang] Ungka Flyover, well depends in the amount that we are to.. it might be tomorrow, or next week, next year. We cannot give you a specific time table,” pahayag pa ni Oropel.