[WARNING: SENSITIVE] Traffic aide patay sa aksidente sa Muelle Loney

Read Time:36 Second

ILOILO CITY — Patay ang traffic aide sang Public Safety and Transportation Management Office (PSTMO) sang na-aksidente ang ginasakyan nga motorsiklo sa Muelle Loney Street, City Proper kagab-i.

Ginkilala ang napatay kay Aljun Fuentes, 22, sang San Roque, Jaro.

Base sa pagpangusisa sang Aksyon Radyo Iloilo news team, halin sa Parola kag padulong sa direksyon sang Iloilo Provincial Capitol ang biktima sang na-aksidente.

Base sa imbestigasyon ni Police Chief Master Sergeant Dennis Ye, imbestigador sang Traffic Enforcement Unit sang Iloilo City Police Office, nadulaan sang control sa iya motorsiklo si Fuentes.

Gindala pa ang traffic aide sa ospital pero gindeklarar nga dead-on-arrival.

May helmet si Fuentes pero nagtabog sang natumba ang iya motorsiklo. —via Angel Mae Ciudad

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Aksyon Night Patrol | September 23, 2023
Next post P25 million nga balor sang suspected shabu na-recover sa drug bust operation sa Arevalo