Lokal

5 ka jobhires sa City Engr’s Office nga nadakpan nanguha sang copper wire sang telco na-terminate na sa trabaho; Regular employee nga involved mapasa sang iya resignation letter

ILOILO CITY — Na-terminate na sa ila trabaho ang mga jobhires nga kaupod sang regular employee sang City Engineer’s Office nga nadakpan sa akto sang personnel sang telecommunications company nga nagkuha sang ila copper wire sa Habog-Habog Salvacion, Molo.

Suno kay Joel Gerasmia sang City Engineer’s Office, gilayon nga gin-terminate ang kontrata sang lima ka mga jobhires, samtang subong nga adlaw mapasa sang iya resignation letter ang regular employee nga nadalahig.

Ginpabutyag ni Gerasmia nga may video sa ginhimo sang anum kag gin-report sa City Government. Ang malain pa gid suno kay Gerasmia, gingamit sang anum ang salakyan sang siyudad.

Electrician II ang posisyon sang regular employee.

Suno kay Gerasmia, kabahin ang mga nadakpan sang naga-maintain sang streetlights kag iban pa nga pasilidad sang siyudad.

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply