Kapin 40 ka mga estudyante sa Janiuay nagkalalipong

ILOILO — Palaligban para sa mga otoridad ang pagkalipong sang kapin sa 40 ka mga estudyante sa Janiuay Comprehensive National High school umpisa sang Setyembre 27.

Gin-report nga may 20 ka mga estudyante nga nalipong sa nasambit nga eskwelahan kahapon sang udto.

Samtang las-10 kaina sang aga, may gin-report man nga 20 ka mga estudyante nga nagkalalipong.

Suno kay Capt. Alwin Salmon, hepe sang Janiuay Police Station indi pa nila matumod ang rason sang pagkalipong sang mga estudyante. Posible suno sa police nga naglain ang ila pamatyag tungod sa tiyempo.

Tatlo sa mga nagkalalipong subong nga adlaw ang gindala sa ospital apang gilayon man nga gin-discharge.

Gina-imbestigaran pa ang natabo kag gin-suspend man ang klase subong nga adlaw.