3 dakup sa drug buy bust sa Molo
ILOILO CITY — Tatlo ang nadakpan sa drug buy bust operation sa Zone 4, Boulevard, Molo kagab-i, Oktubre 4.
Subject sang operasyon si Alyas Chard, 49-anyos nga tricycle driver. Nadakpan man ang iya mga abyan nga kanday alyas Reylan 47-anyos kag alyas Jondee, 47-anyos.
Suno kay Police Captain Marlyn Roquero, hepe sang Molo Police Station, newly identified street level individuals ang mga nadakpan.
Na-recover sang kapulisan ang anum ka sachets sang suspected shabu nga ginabanta nagabug-at sang 3 grams kag nagabalor sang P21,400.
Ginpahayag ni Roquero nga parokyano sang subject ang duha ka mga nadakpan. Nagakadto ang duha sa balay sang subject kag magbakal sang illegal drugs.
Sa pagpangusisa sang police, sa Bakhaw, Mandurriao ang subject nagakuha sang supply sang illegal drugs.