Driver sang elf truck pilason sang nakabunggo sa dump truck sa Janiuay
ILOILO — Pilason ang 23-anyos nga driver sang nakabunggo sa dump truck kag nahulog sa kilid sang karsada ang ginamaneho nga elf truck sa sa Brgy. Madong, Janiuay las-8:10 kaina sang aga.
Suno kay Police Staff Sergeant Resel Jan Barranco, imbestigador sang Janiuay Municipal Police Station, pakadto sa banwa ang elf truck sang naglapaw sa pihak nga lane kag nakabunggo sa dump truck nga may karga nga balas nga yara sa opposite nga direksyon.
Naglikaw pa ang dump truck suno sa police, pero nalab-ut gihapon sang elf truck kag nagbungguanay.
Nahulog sa kilid sang karsada ang dump truck samtang naglibot pa kag nakabunggo ang elf truck sa kudal sang balay sa kilid tubtob nahulog sa kilid sang karsada.
Naipit ang driver sang elf truck kag napilas ang iya wala nga paa.