Pick-up nagkaya sang nahulog sa kilid sang taytay sa Caingin, La Paz
ILOILO CITY – Nakibot ang mga residente nga naga-istar sa kilid sang taytay sa Caingin, La Paz sang nabatian ang matunog nga lagabong mga las-kuwatro kaina sang kaagahon.
Naabtan nila ang pick-up nga nagakaya sa kilid sang taytay.
Sa pagpangusisa sang Aksyon Radyo Iloilo news team, halin sa Villa kag pakadto sa Dumangas ang driver kag iya upod.
Nagresponder man ang Iloilo City Emergency Responders (ICER) pero wala na naabtan ang duha ka sakay sang pick-up. Luwas sa katalagman ang duha, suno sa mga residente.
Ginabululigan sang mga responders ang pagkuha sang salakyan.