1 patay, 1 pilason sa shooting incident sa McArthur, La Paz
ILOILO CITY — Isa ng patay kag isa ang pilason sa shooting incident sa Brgy. McArthur, La Paz kahapon sang kaagahon, Oktubre 8.
Dead-on-arrival sa ospital ang 33-anyos nga lalaki nga ginkilala kay alyas jomari sang nasambit nga barangay tungod sang pilas sa dughan, wala nga batiis kag wala nga parte sang sag-ang.
Suno kay Police Lieutenant Greg Matutino, officer-in-charge sang La Paz Police Station, antes natabo ang pagpangluthang upod ni alyas Jomari nga nagatambay sa atubang sang ila balay ang suspek nga si alyas Bunso, 20-anyos sang Nabitasan, La Paz.
Base sa initial nga imbestigasyon sang lapaz police, hinali lang nga gintiro sang suspect ang biktima.
Napilasan naman sa abaga ang isa pa ka lalaki. Ginasunod nga anggulo sang pulis sa insidente ang transaksyon sa illegal nga druga sa tunga sang biktima kag sang suspetsado base sa nakuha nga ebidensya sa cellphone sang biktima.
Nagapabilin nga at large ang suspetsado suno sa pulis.
