2 tubtob 3 ka suspects sa pagpanghold-up sa gasoline station sa Cabatuan gin-identify sang mga testigo
ILOILO— Na-identify sang mga testigo ang duha sa tatlo ka mga suspect sa pagpang-hold up sa gasoline station sa bypass road sa Barangay Ayaman, Cabatuan sang Domingo, Oktubre 8.
Suno kay Police Captain Dionisio Estacio, OIC sang Cabatuan Police Station, ginpakita nila sa mga testigo ang pictures sang mga suspects halin sa Intelligence unit, kag na-identify ang duha sa ila.
Taga-Calinog ang driver nga naga-edad sang 40 tubtob 45-anyos samtang ang isa ka angkas nga taga-San Rafael ang naga-edad sang 30 tubtob 40-anyos, suno sa police.
Wala pa makilala suno kay Estacio ang isa pa ka angkas.
Ginkadtuan na sang police ang address sang mga na-identify nga suspects pero wala sila sa lugar suno sa police.
Ginpabutyag ni Estacio nga gina-check nila kun ginplanohan sang mga suspects ang pag-hold up ukon nalabayan lang ang gas station kag ginhimo ang krimen.
Pagkatapos sang insidente, nagpadulong sa direksyon sang Janiuay ang mga suspect, suno sa police.
Ginabanta sa P20,000 nga cash kag tatlo ka cellphones ang nakuha.
Nagabulig ang nagkalainlain nga police sa kaiping nga mga banwa kag ang Iloilo Police Provincial Office agud masolbar ang krimen suno sa police.