Lokal

Pagkay-o sa kada haligi sang Ungka flyover magalawig sang 45 ka adlaw — DPWH 6

ILOILO — Nagakinahahanglan sang 45 ka adlaw ang pagbutang sang dugang nga mga pilote sa kada haligi sang Ungka Flyover nga may daku nga pag-usmod. Makita ang daku nga pag-usmod sa ika-apat, ikalima kag ika-anum nga haligi.

Ini suno kay Department of Public Works and Highways (DPWH) 6 OIC, Engr. Sanny Boy Oropel.

Ginpahayag ni Oropel nga posible matapos ang pagkay-o sa una nga quarter sang 2024, apang depende kun san-o ma-abot ang budget halin central office.

Natalana nga mag-abot subong nga bulan ang initial budget nga P100 million para sa repair sang Ungka Flyover.

Ginkumpirmar man ni Oropel nga liwat nga pasiraduhan ang flyover sa una ukon ikaduha nga semana sang Nobyembre para sa repair.

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply