Taga-Negros Occidental nga nagatrabaho sa Israel kumpirmado nga napatay sa giyera suno sa DFA
Ginkumpirmar sang DFA nga napatay ang 49 anyos nga caregiver nga taga-Negros Occidental sa nagapadayon nga Israel-Hamas war.
Suno kay DFA Usec Eduardo De Vega, napabalo na ang pamilya sang OFW, subong man si President Ferdinand Marcos, Jr.
Tatlo (3) na tanan ka Filipinos sa Israel ang napatay sang nag-atake ang Hamas militants.
Ginkilala ang napatay kay Lorie Dayon, 49-anyos kag 15 ka tuig na nga nagatrabaho nga caregiver sa Israel.
Suno sa iya utod nga si Lorena Dayon nga naga-istar sa Cadiz City, Negros Occidental, may duha ka hinablos ang OFW nga ginapa-eskwela.
Dugang pa niya, si Lorie man ang madasig nila palapitan kun may kinahanglan sila pinansyal.
Katapusan nga nagpauli sa Cadiz si Lorie sang 2015 kag nagaplano pa kuntani nga magpuli naman.
Suno kay Lorena, wala nakapauli sang pila ka tuig ang iya utod tungod maayo man ang iya sitwasyon sa Israel.
Ginahulat na lang sang pamilya ang dugang nga impormasyon halin Philippine government sa pagpapuli sang bangkay sang OFW.