Mga concrete flower pots sa Diversion bridge sa Mandurriao nagkalatumba sang nasalakay sang awto

ILOILO CITY — 42 ka mga concrete flower pots ang nagkalatumba sang nasalakay sang awto sa Diversion Bridge sa Mandurriao kagab-i, Oktubre 16.

Ginpahayag sang green guards nga naga-duty malapit sa lugar nga ginpahibalo lang sila sang concerned citizens nga nagkalatumba ang mga masetera.

Sang gin-check sang green guards, wala na ang salakyan pero nabilin ang bumper sang awto nga puti.

Suno kay PSSG Jessie Cabial Jr, traffic investigator sang Mandurriao Police Station, wala pa mahibaluan kun diin nagdiretso ang driver kag wala man nag-surrender sa police station.