Mag-asawa dakup sa drug buy bust sa Pototan

ILOILO —Arestado ang mag-asawa sa drug buy bust operation sa Barangay Bagacay, Pototan pasado las 9:00 kagab-i, Oktubre 27.

Nakuhaan sang pito ka sachets sang suspected shabu sanday alyas Tantan, nga main subject sa operasyon, kag iya asawa nga si alyas Inday.

Suno kay PMAJ Roy Tayona, hepe sang Pototan MPS, duha ka semana ang monitoring sa subject nga drug surrenderrer antes gin-operate.

Nagabug-at sang pito ka gramo ang suspected shabu nga na-recover sa mag-asawa nga nagabalor sang P47,600. —via Maria Kayla Tingzon