Liquor ban para sa 2023 BSKE nagsugod na kaina sang kaagahon
Nag-epekto sugod las-12:01 kaina sang kaagahon ang election liquor ban para sa Barangay and Sangguniang Kabataan Elections (BSKE) 2023.
Base sa pagsulundan sang Commission on Elections (Comelec), ginabawal ang pagbaligya, pagbakal, pag-serbe, kag pag-inom sang makahulubog nga ilimnon umpisa subong nga adlaw antes ang piniliay tubtob Oktubre 30.
Nalakip man sa liquor ban ang mga fiestas, festivals, kag iban pa nga public events sa pungsod, suno sa Comelec.
Pero suno sa Comelec, may exemption ang liquor ban para sa mga foreign tourists nga nagatiner sa mga hotels, resorts, restaurants, kag iban pa nga pribado nga establisyemento nga gin-accredit sang Department of Tourism nga “tourist-oriented.”
Ginklaro sang Comelec nga wala man nagaboto sa Pilipinas ang mga foreign tourists rason nga exempted sa liquor ban.
Ang mga madakpan sa Comelec liquor ban mahimo mapreso halin isa tubtob anum ka tuig kag wala sang probation.
Philippine National Police (PNP), National Bureau of Investigation (NBI), kag mga local Comelec officers ang mapatuman sang ban.
