Bangkay nga may pilas sang pagkatiro nasapwan sa Tranghawan, Lambunao

ILOILO —Aga pa nga nasapwan ang bangkay sang lalaki nga may mga igo sang bala sa pil-as sa Brgy. Tranghawan, Lambunao kaina.

Ginkumpirmar ni Iloilo Police Provincial Office (IPPO) Director, PCOL Ronaldo Palomo nga si Antonio Artiaga sang Digos City, Davao del Sur, ang napatay.

Suno kay Major Joegen Suegay, hepe sang Lambunao MPS, nakabaton sila sang report mga las-6:54 kagab-i, Nobyembre 8, nga may inaway sa bulangan. Pero gina-imbestigaran pa nila kun may kahilabtanan ini sa krimen.

Suno naman kay Jojie Gonzales, residente sang Tranghawan, nakabati sila sang iya bana sang mga lupok kagab-i pero ginbalewala nila. Mga las-seis kaina sang aga sang nakumpirmar nga may ginpatay suno kay Gonzales. —via Angel Mae Ciudad