Operation Tulong sang Aksyon Radyo Iloilo, Love Radio Iloilo sa Ungka II, Pavia nangin madinalag-on

ILOILO —Ginatos ang nakabenepisyo sa Operation Tulong sang Aksyon Radyo Iloilo kag Love Radio Iloilo sa Ungka II, Pavia kaina sang aga.

Nakabenepisyo ang 283 tanan ka indibidwal nga naka-avail sang nagkalain-lain nga serbisyo nga dala sang Operation Tulong pareho sang pagpa-check up, libre nga pagunting kag masahe. May mga nagdaug man sa pahampang.

Dulungan nga ginlunsar sang 27 ka mga estasyunan sa idalum sang Manila Broadcasting Company ang Operation Tulong.

Ka-partner sang Aksyon Radyo Iloilo kag Love Radio ang Iloilo Provincial Government paagi sa Project Buligay, si Iloilo Gov. Arthur Defensor, Jr., ang Hospital Management Office, kag ang Pavia Local Government Unit.