Aksyon Radyo Iloilo Number 1 gihapon sa Iloilo base sa pinakaulihi nga Kantar Media survey

Liwat ginpamatud-an sang Aksyon Radyo Iloilo ang pagpanguna sini sa tanan nga radio sa Iloilo-sa AM kag FM bands-sang gindominar sang estasyonan ang pinaka-ulihi nga Kantar Media survey.

Ang survey ginhimo sang Setyembre 13 tubtob 19.

Sa amo nga survey, sa ALL STATIONS, nakakuha ang Aksyon Radyo Iloilo sang 26.39 % rating. Ginasundan sang Bombo Radyo-24.16% kag RMN-20.13%.

Sa AM STATIONS, nagapanguna gihapon ang Aksyon Radyo nga may 36.88% rating, nagapangaduha lang sa gihapon ang Bombo Radyo 33.76% kag RMN-28.13%.

Madumduman nga sang April 20-26, 2023 survey sang Kantar Media, nag-overall Number 1 radio station man ang Aksyon Radyo Iloilo nga may 28.48% rating.

Sa FM Stations, nagpanguna man ang Love Radio Iloilo 97.5. Back-to-back ini nga kadalag-an para sa MBC stations sa Iloilo.

Ang Aksyon Radyo Iloilo kag Love Radio Iloilo nagapasalamat sa tanan nga mga tagpalamati nga padayon nga nagasalig kag nagasuporta sa mga programa sang estasyonan.

Madamo gid nga salamat mga Ka-Aksyon!