Iloilo City Mayor Jerry Treñas na-alarma sa dalagku nga recoveries sang illegal drugs sa siyudad
Nagaka-alarma si Iloilo City Mayor Jerry Treñas sa dalagku nga recoveries sa drug buy bust operations sa syudad.
Sa press conference sang alkalde, ginpabutyag niya nga sang una wala sang dalagku nga recoveries kasubong sang mga napang-recover nga illegal drugs subong.
Apang ‘relieved’ man siya tungod kun wala nadakpan, na-distribute pa ang illegal drugs sa siyudad.
“Gaka-alarma na ko kay daw ka dalagku sang dakup pero at the same time relieved man ako kay nadakpan. Kay kun wala na nadakpan ara na sa dalan. But gaka-alarm gid kita kay sang una daw wala gid amo na ka daku nga makuha,” suno sa alkalde.
Ginpabutyag man ni Treñas nga wala sang dalagku nga drug personalities sa syudad base man sa report sa iya sang kapulisan.
Nagakahangawa siya nga dalagku ang recoveries rason nga handa siya magbulig kun ano pa ang mahimo nga mabulig sa mga pulis.
PAGPASULOD SANG DRUGS VIA SEA PORTS
Nagareklamo suno kay Treñas ang Philippine Coast Guard nga indi supisyente ang ila drug sniffing dogs nga kinahanglan agud mapunggan ang pagsulod sang illegal drugs nga ginapaagi sa RORO vessels kag sa fish ports.
