Malapit P1 million nga balor sang suspected shabu na-recover sa buy bust operation sa La Paz

ILOILO CITY — P986,000 nga balor sang suspected shabu ang na-recover sang City Drug Enforcement Unit (CDEU) sa drug buy bust operation sa Zone 2, Baldoza, La Paz mga kahapon, Nobyembre 14.

Ginkilala ang subject kay Rex dela Peña, 40-anyos sang amo man nga barangay kag ginakabig na nga high value individual.

Gintudlo ni Dela Peña nga supplier ang tawo nga nakilala niya sa New Bilibid Prison.

Nahibaluan nga napreso si Dela Peña sang 2010 tungod siya ang ginkilala nga suspect sa pagpatay sa 4th year nursing student sa La Paz.

Luwas kay Dela Peña, gin-aresto man ang upod niya nga si alyas Jay nga ginpahayag sang police nga partner niya sa iya mga transaksyon.