Baka nagtabog sang nabungguan sang motorsiklo sa Pavia

ILOILO — Nagtabog ang nagatabok nga baka sang nabungguan sang motorsiklo sa Cabugao Sur, Pavia subong nga aga.

Suno sa tag-iya nga si Dennis Hesuan, ginaguyod niya ang baka samtang nagatabok sa pedestrian lane sang nakita ang nagapadulong nga motorsiklo halin sa Pavia.

Ginpabutyag niya nga nagsinyas pa siya sa driver sang motorsiklo nga maglikaw pero wala nagbahar kag madasig ang pagpadalagan.

Tungod sini, nakabunggo ang motorsiklo sa baka kag nagtabog ang baka nga posible napi-ang.

Plano niya nga pabayaran ang baka sa driver sang motorsiklo.