Anum arestado sa drug buy bust sa Molo

ILOILO CITY — Dakup ang anum ka mga indibidwal sa drug buy bust operation sa Barangay Salvacion Habog-habog, Molo kagab-i, Nobyembre 22.

Main subjects sa operasyon ang mag-utod nga alyas Lourdes, alyas Liza kag alyas Ryan.

Gindakop man sang police ang bana ni alyas Lourdes nga si alyas Alberto, ila bata nga si alyas Erson, kag abyan niya nga si alyas Christian.

Suno kay Police Captain Marlyn Roquero, hepe sang Molo Police Station, na-recover sa ila ang 19 ka sachets sang suspected shabu nga ginabanta nagabug-at 95 grams kag may standard drug price nga P646,000.

Naglab-ut sa duha ka semana ang monitoring sang police tubtob nga nadakpan ang mga subjects.

Presu na sa Molo Police Station ang mga nadakpan.