P7.4 million nga balor sang illegal drugs na-recover sa drug buy bust sa Estancia

ILOILO — Nagalab-ot sa 1.1 kilograms sang illegal drugs ang na-recover sa drug buy bust operation sa Barangay Cano-an, Estancia las-5:12 kaina sang kaagahon.

Ginkilala ang nadakpan kay alyas Nonong, High Value Individual (HVI) drug personality, kag alyas Mike nga Street Level Individual (SLI), lunsay residente sang Barangay Cano-an.

Na-recover sa mga nadakpan ang 14 ka sachets sang suspected shabu nga may market value nga P7,480,000.

Suno sa police, sa Roxas City, Capiz nagakuha sang supply sang illegal drugs ang mga nadakpan.

May na-recover man nga isa (1) ka 12-gauge homemade shotgun.