Iloilo Gov. Arthur Defensor, Jr. kumbinsido nga “alarming” ang illegal drugs sa Iloilo province
ILOILO — Kumbinsido si Governor Arthur Defensor, Jr. nga “alarming” na ang pagdata sang illegal drugs sa Iloilo Province.
Suno sa goberndor na-isturya na niya si Iloilo Police Provincial Director Police Colonel Ronaldo Palomo may kaangtanan sa pagbalik sang operasyon sang illegal drugs.
Lakip sa mga gin-isturyahan ang pagbulig sang gobernador sa operasyon sang police batok sa illegal drugs kasubong sang pagpabaskog sang puerto sa Dumangas pinaagi sa paghanas sang mga personnel nga nagabantay.
Ginkumpirmar man ni Palomo kay Defensor nga wala nagasulod ang illegal drugs sa northern Iloilo nga puerto kundi sa Dumangas Port sa diin naghalin sa Negros Occidental.
Ginakonsiderar ni Defensor ang dugang nga pagbakal sang sniffing dogs agud nga makabulig sa pag-detect sang nagapasulod nga kargamento sa Iloilo Province.
Una na nga ginkabig ni Chairman sang Committee on Public Order and Security sa Sagguniang Bayan June Mondejar nga alarming ang druga sa probinsiya nga nagtulod man sa iya nga mag-deliver sang privilege speech kag mag-conduct sang committee hearing sa diin iya ipatawag ang tanan nga ahensya sang gobyerno kasubong sang IPPO, PDEA, Liga ng mga Barangay President, League of the Municipalities kag iban pa.
