Masadya nga bakasyon sang magpamilya nangin trahedya sang nalakip sila sa mga napatay sa Ceres bus tragedy sa Hamtic, Antique

Nagbakasyon lang sa Iloilo ang isa ka pamilya nga nalakip sa mga napatay sang nahulog ang Ceres bus sa pil-as sa Hamtic, Antique.

Sa pagpangusisa sang Aksyon Radyo Iloilo, taga-Koronadal, South Cotabato ang mga biktima nga kanday Jessie Javellana; utod ni Jessie nga si Fritzie Javellana-Alcala; bana ni Fritzie nga si Jomarie Alcala; ang isa ka tuig nga si Zairon nga bata nanday Fritzie kag Jomarie; kag ang 11-anyos nga si Federica Singh, bata ni Fritzie sa iya una nga partner.

Base sa mga pictures ni Jessie sa iya Facebook account, masadya pa sila nga naglagaw sa Buenavista, Guimaras kag Molo Plaza sa Iloilo City.

Nagpadulong sa Antique ang magpamilya para pa kuntani magbakasyon antes magbalik sa South Cotabato sa Biyernes.