1 pa ka sa pasahero sang nahulog nga Ceres bus sa pil-as sa Hamtic, Antique

Naglab-ut na sa 19 ang napatay sang nahulog ang Ceres bus sa pil-as Barangay Igbucagay, Hamtic Antique sang Disyembre 5 sang gab-i.

Ini ang ginkumpirmar ni Mr. Michael Tolentino, Local Disaster Risk Reduction Management Officer 3 sang Antique Disaster Risk Reduction Management Office.

Suno kay Tolentino napatay mga las-3 kahapon sang kaagahon samtang ginabulong sa ospital ang isa ka pasahero nga taga-Laua-an, Antique nga na-admit sa Iloilo Mission Hospital.

Sa subong lima na ang estable ang kondisyon sa diin apat ang naka-admit sa Antique kag isa sa Iloilo City. Samtang apat pa ang yara sa kritikal ang kondisyon sa Iloilo City, suno kay Tolentino.