35k ka mga delagado ginapaabot nga matambong sa 18th National Scout Jamboree sa Passi City

Thirty-five thousand ka mga scouts kag scout masters halin sa nagkalain-lain nga local councils sa bilog nga pungsod ang ginapaabot nga magapartisipar sa 18th National Scout Jamboree nga i-host sang Passi City sugod subong nga adlaw tubtob sa Disyembre 17. 

Ginpahayag ni Passi City Mayor Stephen Palmares, nga ginahiwat kada apat ka tuig ang national scout jamboree kag malipayon siya nga napilian ang passi city nga mangin host sang pinakadaku nga event.

Suno sa iya, syen porsyento na nga preparado ang siyudad para sa isa ka semana nga aktibidad. 

May ginplastar na nga mga teams nga may nagkalain-lain nga obligasyon agud masiguro nga tayuyon kag wala sang aberya ang event.

Ang 18th National Scout Jamboree hiwaton sa 80 ka ektariya nga Pintados de Passi camp sa Barangay Sablogon, Passi City.         

Tema sang subong nga tuig nga national scout jamboree ang “Youth Engagement: Sustaining Relevance and Strengthening Resilience.”