Hibao-an flyover sa Mandurriao ginbuksan na sa publiko

ILOILO CITY — Ginbuksan na sa mga motorista ang Hibao-an flyover sa Mandurriao kahapon, Disyembre 12.

Ginpangunahan ni former Senator Franklin Drillon kag DPWH 6 Assistant Regional Director, Engr. Jose Al Fruto ang inaguration kag ribbon cutting.

Isa ang Hibao-an flyover sa nangin major projects ni Drilon antes siya nagbiya sa senado.

Suno kay Drilon, mangin dako nga bulig ang flyover sa pagpahag-hagan sang trapiko halin Manduriao, Iloilo City pasulod sa Jibao-an, Pavia ilabe na gid sa tion sang rush hour.

Nag-abiso naman si DPWH 6 Assistant Regional Director, Engr. Jose Al Fruto sa mga motorista nga ginadumilian ang paglabay sang 3-axled vehicle, tricyle kag biseklita.

May kalaba-on nga 240-meters ang flyover kag may kabug-usan nga P591 milyon nga pondo.