Mandatory nga pagsuksok sang face mask sa Iloilo city hall liwat ginpatuman
Dapat magasuksok sang face mask ang mga empleyado kag tanan nga may transaksyon sa Iloilo City Hall.
Ginpaguwa ang advisory subong nga aga.
Base ini sa rekomendasyon sang City Health Office nga magsuksok sang face mask sa indoor areas ukon mga opisina kag iban pa tungod sa madasig nga pagsaka sang kaso sang COVID-19.
Sa impormasyon, natalana pirmahan ni Mayor Jerry Treñas ang rekomendasyon sang CHO agud mapapanaog ang memorandum may kaangtanan sa mandatory nga pagsuksok sang face mask.