Masobra tunga sa milyon ka pesos nga balor sang illegal drugs na-recover sa drug buy bust sa Molo
LOILO– Na-recover ang P544,000 nga balor sang suspected shabu sa drug buy bust operation sa Brgy. South Baluarte, Molo kagab-i, Disyembre 28.
Ginkilala ang subject kay Virgilio Hilario alyas Junjun nga ginakabig sang police nga High Value Individual (HVI).
Suno kay Punong Barangay Ronald Grandeza, indi niya personal nga kilala ang subject tungod mga isa pa lang ka bulan nga nagsaylo sa ila lugar halin sa City proper.
Masami man nga nagalakat ang subject gani indi niya permi makita sa ginatineran nga balay.
Sa operasyon sang City Drug Enforcement Unit (CDEU) kagab-i, na-recover ang siyam ka sachets sang suspected shabu nga nagabug-at sang 80 grams.
