Babaye nga government employee nasapwan patay sa Mandurriao

ILOILO CITY —Patay sang nasapwan ang babaye sa Dike 2, Bolilao, Mandurriao pasado las 11:00 kagab-i.

Suno kay Christian, bata sang biktima, nasapwan nga patay ang iya iloy nga si Norivic nga nagahigda sa katre kag natabunan sang ulunan ang guya.

Dugang niya, may agi sang pagkakuga sa liug kag may lagob ang hitsura kag tiil sang iya iloy.

Ginatudlo ni alyas Christian ang live-in partner sang iya iloy nga si Jun-Al nga naghimo sang krimen.

Disyembre 24 suno kay Christian sang ginpalayas sang iya iloy si Jun-Al kag Disyembre 28 sang aga, nagbalik ang lalaki sa ila balay agud maghulam sang kuwarta sa iya lola. Pero antes naghulam sang kuwarta, si Jun-Al kag iya iloy, suno kay Christian.

Pasado las-7 sang aga kahapon nagguwa si alyas Jun-Al sa ila balay. —via Maria Kayla Tingzon