Lokal

Balay sa Pavia natup-an sang bala sang pusil samtang ginasug-alaw ang bag-ong tuig

ILOILO — Nabuslot ang kisame sang balay sa Brgy. Balabag, Pavia sang natup-an sang bala sang pusil samtang ginasug-alaw ang bag-ong tuig.

Suno sa tag-iya sang balay nga si alyas Shane, mga las-2 sang kaagahon na nila natalupangdan nga may nagtupa nga bala sang pusil sa ila kusina.

Nakit-an niya na lang sa salog ang slug sang bala sang ginatrapuhan niya ang ihi sang iya nga ido. Sang gin-usisa nila ang lugar, nakit-an nila nga may buslot na ang kisame sang ila balay.

Ginapasalamatan naman ni Shane nga wala sang may naigo sa ila tungod natabuan nga yara sila sa sala sang natupa ang bala.

Gilayon nila ini gin-report sa police.

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply