Lokal

Unscheduled maintenance shutdown sang pinakadaku nga power plants sa Panay Island ginatudlo sang NGCP nga primary cause sang power interruption sugod Enero 2

Ginatudlo sang National Grid Corporation of the Philippines (NGCP) nga ang unscheduled maintenance shutdowns sang pinakadako nga power plants sa Panay island ang primary cause sang power interruption sugod Enero 2.

Una na nga gin-report sang NGCP nga naka-eksperyensya ang nagkalain-lain nga power plant sa Panay Island sang madamo nga tripping kahapon nga ginalakipan sang Panay Energy Development Corporation (PEC) Unit 1 kag 2 (83 MegaWatts each), kag Palm Concepcion Power Corporation ukon PCPC (135MW).

Sa pag-tripping sang tatlo ka pinakadako nga power generating units kag ang planned maintenance shutdown sang PEDC Unit 3 (150MW), 451MW ukon 68.75% sang kabug-usan nga 656MW in-island generation ang nadula sa Panay sub-grid.

Nag-contribute man suno sa NGCP sa kakulang sang power supply ang pagsirado sang maintenance kag deration sang mga planta sa guwa sang gin-aprubahan sang Department of Energy (DOE) nga Grid Operating and Maintenance Program.

Sa press release sang NGCP, ginsulit sang grid operator ang panawagan para sa whole-of-industry approach, lakip ang ginpasangkad nga energy resource planning kasunod sang power outage kahapon.

“We will be restoring loads conservatively, by matching loads to restored generation, to prevent repeated voltage failure. NGCP is ready to transmit power once it is available. The people must understand that we can only transmit power, we do not generate power,” pasalig sang NGCP.

Gina-rekomendar sang NGCP ang pag-review sang Philippine Grid Code agud masolusyunan ang renewable energy sources, partikular ang epektibo nga paggamit sang mga teknolohiya kasubong sang energy storage system kag iban pa.

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply